Гранит Џака и соиграчите веќе заостануваат пет бода зад лидерот на Баварците, но имаат уште еден натпревар, по 23 кола.
Новите три бода на мечот против Холштајн Кил за „фармацевтскиот“ тим ги обезбеди Патрик Шик во 9. минута. Ова беше 15-ти гол за чешкиот напаѓач оваа сезона. Амине Адли го запечати епилогот со својот прв гол во дресот на Леверкузен, во 45. минута, кој мароканскиот фудбалер го прослави правејќи го орелот.
Натпреварот од следното коло Џака и соиграчите ќе го одиграат како гости против Ајнтрахт Франкфурт, на 1 март.
Во останатите натпревари во денот, Борусија Дортмунд убедливо го совлада Унион Берлин со резултат 6:0, Аугсбург ја изненади Борусија М'гладбах на гости со 3:0. Волфсбург и Бохум ги делат бодовите 1:1, додека Мајнц 05 не дозволи изненадување на домашен терен против Ст. Паули победи со 2:0.
Во недела се закажани трите финални натпревари во кои Баерн Минхен пред домашните навивачи гостува кај Ајнтрахт Франкфурт, Хофенхајм игра против Штутгарт, а Лајпциг е домаќин на Хајденхајм.
