Март беше одличен за Фернандеш и во европските натпреварувања. Најзапаметен натпревар во тој месец беше во Лига Европа, каде постигна „хет-трик“ против Сосиедад. „Црвените ѓаволи“ моментно се 13-ти на табелата во домашното првенство со 37 освоени бодови, па целиот фокус ќе им биде победа на континенталното натпреварување во кое се еден од фаворитите. Иако немаат за што да се борат во Премиер лигата, следниот натпревар ќе го одиграат на својот стадион каде ќе го пречекаат градскиот ривал Манчестер Сити.
Во темнината што го опкружува Манчестер Јунајтед, единствена светла точка е Бруно Фернандеш. Капитенот на „црвените ѓаволи“ ја доби наградата за најдобар играч на Премиер лигата за месец март.
МИА
Ова е негово петто признание за најдобар во месецот, со што стигна до елитното друштво на осумте најдобри фудбалери на тој план. Тој дели исто толку награди со Вејн Руни и Робин Ван Перси, а повеќе од него имаат Кристијано Роналдо, Стивен Џерард, Мохамед Салах, Хари Кејн и Серхио Агуеро.
Наградата за најдобар тренер на месецот ја прими Нуно Еспирито Санто. Ова е трет пат оваа сезона тренерот на Нотингем да ја добива наградата.
Имаше добри конкуренти, но Португалецот се истакна како најефикасен. Поради репрезентативната пауза во текот на третиот месец од годината се одиграа само две кола, а во нив исклучителен беше Фернандеш. Вкупно постигна два гола и две асистенции, а Јунајтед за тоа време остана непоразен.
