„Не гледам дека САД сакаат Украина да се приклучи на НАТО, а потоа да распореди американски војници според членот 5 или директно да се вклучи во војната во Украина“, изјави Валц за Фокус њуз.
Валц нагласи дека „фрустрациите се големи“, бидејќи администрацијата на Трамп се надева дека наскоро ќе постигне договор со Русија за ставање крај на војната, додека на прашањето дали е закажана средба меѓу Путин и Трамп, тој одговори: „во овој момент не“.
„Претседателот Трамп очекува да се постигне договор и мислам дека тоа ќе го видите наскоро“, рече Валц.
Во однос на безбедноста на Украина, Валц рече дека САД се поддржани од Франција, Велика Британија и други европски земји, кои се согласуваат да му понудат на Киев „многу силни“ безбедносни гаранции.
„Со години баравме од Европа да ја зајакне својата одбрана, а со години баравме од Европа да плати за одбраната, бидејќи американските даночни обврзници со децении го носат овој нефер товар“, рече советникот за национална безбедност на претседателот Трамп.
Тој го повтори ставот на Трамп дека Америка е подготвена да ја гарантира безбедноста на Украина во замена за ретките минерали во Украина, кои Киев во моментов одбива да ги прифати.
