Денеска (петок) во седиштето на УЕФА во Нион ќе биде извршена ждрепката за осминафиналето на Лигата на шампионите, Лига Европа и Конференциската лига.
Денешната ждрепка ќе започне со ждрепката за Лигата на шампионите, која е закажана за напладне, поточно од 12 часот.
Во осминафиналето ќе играат клубови како Клуб Бриж, Баерн Минхен, Бенфика, Феенорд, Борусија Дортмунд, Пари Сен Жермен, ПСВ Ајндховен и Реал Мадрид.
Овие тимови им се приклучија на Ливерпул, Барселона, Арсенал, Интер, Атлетико Мадрид, Баер Леверкузен, Лил и Астон Вила преку „плеј-оф“ фазата на ова натпреварување.
Можните двојки за осминафиналето се:
Ливерпул или Барселона против Бенфика или ПСЖ
Астон Вила или Лил против Клуб Бриж или Борусија Дортмунд
Реал Мадрид или Баерн Минхен против Атлетико Мадрид или Баер Леверкузен
Арсенал или Интер против Феенорд или ПСВ
Првите осминафинални натпревари ќе се играат на 4 и 5 март, додека реваншите на 11 и 12 март.
Од друга страна, по истиот принцип ќе се врши и ждрепката за двојките во Лига Европа и Конференциска лига.
Оваа ждрепка се очекува да започне по ждрепката на Лигата на шампионите, со тоа што првите натпревари од оваа фаза се закажани за 6 март, додека реваншите се закажани за 13 март.
