Асахи Шимбун објави дека дописникот Мохамед Мансур (29) бил убиен во неговиот дом во Кан Јунис во јужна Газа, додека Ал Џезира ја идентификувала втората жртва, нејзиниот дописник, 23-годишниот Хосам Шабат.
„Нападите врз цивили, вклучително и новинари, никогаш не се прифатливи под никакви околности“, пишува јапонскиот дневен весник.
Вкупниот број на новинари убиени во Газа откако Израел ја започна својата воена офанзива во октомври 2023 година, во моментов изнесува 208, според властите во Газа.
Портпаролот на генералниот секретар на ОН, Стефан Дужарик, на прес-конференција рече дека овие убиства се „уште еден пример за опасностите со кои се соочуваат новинарите во Газа и во која било зона на конфликт и дека новинарите мора да бидат заштитени на секој начин“.
