Министерот за економија и труд Бесар Дурмиши заедно со заменик Министерот за економија и труд Марјан Ристески, директорот на Државниот пазарен инспекторат Влатко Стојкоски и претставници на Комисијата за заштита на конкуренцијата денеска одржаа средба со претставници на најголемите трговци на мало во земјава, соопшти владината прес-служба.
„На средбата се разговараше за предлог-одлуката на Министерството за економија и труд за ограничување на бруто профитната маржа на 10% во трговијата на големо и 10% во трговијата на мало со некои основни прехранбени и хигиенски производи.
Трговците и дистрибутерите дадоа свои предлози и забелешки кои Министерството за економија и труд дополнително ќе ги анализира. „На средбата беше договорено конечната одлука да биде донесена во текот на следната недела“, се наведува во соопштението.
