Добивајте вести на Viber
Во истражувањето учествувале 77 здрави мажи од Танзанија. Една група која вообичаено конзумирала традиционална африканска исхрана се префрлила на западна исхрана богата со преработено месо и пржени компири две недели. Резултатите покажаа зголемување на нивото на воспалителни протеини во крвта и намалена ефикасност на имуните клетки во борбата против патогените микроорганизми.
Овие наоди ја нагласуваат важноста на традиционалните навики во исхраната за одржување на здравјето и сугерираат дека враќањето на помалку обработена, растителна исхрана може да има значителни придобивки за имунолошкиот систем и да го намали ризикот од хронични болести.
Научниците открија дека традиционалната африканска исхрана може да биде уште поефикасна во намалувањето на ризикот од рак и други болести отколку медитеранската исхрана, која со години се смета дека е најздрава во светот.
Од друга страна, учесниците кои се префрлиле од западна на традиционална африканска исхрана или го консумирале ферментираниот пијалок бега, забележале значително намалување на воспалителните маркери. Некои од овие позитивни ефекти траеле дури четири недели по завршувањето на интервенцијата, што сугерира дека краткорочните промени во исхраната можат да имаат долгорочни здравствени придобивки.
