„Секој е раскажан од индивидуалната перспектива на само еден од момците. Тие се среќаваат на различни начини, кои понекогаш се преклопуваат, а понекогаш не. Тие се четири многу различни човечки суштества. Можеби ова е можност да ги разбереме малку подлабоко. Сепак, сите четири филма заедно ќе ја раскажат приказната за најголемиот бенд во историјата“, рече Мендес на настанот.По неколкумесечни шпекулации, потврдено е дека Пол Мескал, познат по улогите во серијата „Normal People“ и филмот „Gladiator II“ ќе го игра Пол Макартни, а Бари Киган, ѕвездата на „Saltburn“, ќе го игра Ринго Стар. Како Џон Ленон ќе им се придружи Харис Дикинсон, кој неодамна глумеше со Никол Кидман во филмот „Babygirl“. Џозеф Квин од „Marvel’s Fantastic Four“ ќе глуми како Џорџ Харисон во филмската тетралогија што ќе ја режира Сем Мендес.
Sony Pictures ја отвори годишната конвенција CinemaCon во Лас Вегас најавувајќи не еден, туку четири биографии за легендарната група „Битлси“, како и ансамбл актери кои ќе ја толкуваат „четворката од Ливерпул“.Режисерот откри дека сите филмови ќе бидат премиерно прикажани во април 2028 година, нарекувајќи ги „првиот филмски маратон што може да се види во кино“.На повеќекратниот оскаровец режисер му се придружија четворицата актери на конвенцијата CinemaCon во Лас Вегас. Секој од филмовите ќе се фокусира на различен член на легендарната група.
