Ова не е обична биографија. Тоа е збирка на лични и колективни сеќавања, документ за времето кога Балашевиќ беше глас на разумот во хаосот, нежноста во свет што грубо стануваше нечовечен. Книгата нуди ексклузивни, досега необјавени фотографии и ги води читателите низ животот и кариерата на овој неповторлив уметник, чија музика одекнува и денес, како тивок отпор на заборавот.Со промоцијата закажана за 4 април во „Литература.мк“ во „Дајмонд мол“, овој настан ќе биде повеќе од книжевна вечер – ќе биде празник на музиката, спомените и зборовите што ги пееме веќе генерации наназад. А кога страниците се наполнети со Балашевиќевите зборови, звукот на неговите песни се слуша и без ноти.Ѓорѓе Балашевиќ не беше само кантавтор – тој беше хроничар на времето, поет на љубовта и непомирлив борец против баналноста на злото. Секоја негова песна е кратка новела, секој стих – слика, секоја метафора – судбина. И токму таков, живописен и непресушно инспиративен, останува запишан и во новата книга „Панонскиот адмирал“ од Иван Ивачковиќ.
