Сојузот на синдикати на Македонија (ЛСМ) се очекува денеска да достави предлог до Владата со барање за зголемување на минималната плата и на сите останати плати. Оттаму за денеска во 12 часот закажаа прес-конференција на која ќе зборува лидерот на ЛСМ.
Според ЛСМ, 24.400 денари, колку што би била минималната плата според законското усогласување, се многу малку за работниците, со оглед на трошоците за живот. Од тие причини се надеваат дека работодавачите ќе покажат добра волја и ќе го прифатат нивното барање, а Владата ќе има клучна улога во субвенционирањето на придонесите за разликата од 24.400 до 30.000 денари. Од ЛСМ велат дека минималната плата треба да обезбеди минимално материјално обезбедување на работниците.
Работодавачите се согласуваат да се зголеми минималната плата, но бараат Владата да им помогне со субвенционирање на придонеси. За минималната плата ќе се расправа на седницата на Економско-социјалниот совет што ќе се одржи кон средината на овој месец.
