„Здравството, морам да напоменам, беше една од најзапоставените области, каде што континуираната негрижа на претходната влада доведе до колапс на веќе дотраените болници и установи. Овде морам да му оддадам почит на голем дел од посветениот здравствен кадар, кој и во такви услови продолжи да работи посветено и во некои субстандардни услови го даваше својот максимум.
На крајот, би сакал да им се заблагодарам на вицепремиерот и министер за транспорт Александар Николоски, на министерот за здравство Арбен Таравари и на директорот на болницата 8 Септември, Синиша Стојаноски за нивната посветеност и посветеност во реализацијата на овие проекти.
Генерално се работи за крупни инвестиции и проекти за објекти од суштинско значење за нашата држава. Продолжуваме да бидеме посветени на решавање на проблемите, создавање додадена вредност и борба за подобар живот на граѓаните. Важно е да знаете дека мора да одиме напред и Македонија повторно ќе биде ваша“, рече Мицкоски.
