Пауло Фонсека веројатно претера со реакцијата на натпреварот меѓу Лион и Брест кога агресивно дотрча и му се „внесе в лице“ на судијата Беноа Мило.
Сега Фонсека реши да ја прокоментира ситуацијата неколку денови по објавувањето на казната.
„Сакам да останам фокусиран на играта, ама чувствувам голема неправда поради оваа казна. Сакам да биде јасно дека никогаш не го допрев судијата, ниту имав таква намера за да бидам физички агресивен. Најважната работа за мене е поддршката која ја чувствувам од клубот и оваа неверојатна група играчи“, изјави Фонсека.
Останува да видиме дали Лион ќе го чека Фонсека да се врати од суспензијата или ќе се реши за друго решение.
Сепак, казната која ја доби можеби е и превисока со оглед на тоа што немаше физички контакт. Португалецот беше казнет со деветмесечна суспензија и во тоа време не смее да исполнува никаква функција во фудбалот.
