Повеќе од 10 рачни бомби биле пронајдени во ранецот на 15-годишно момче во Maлме

Освен 15-годишникот, уапсени се уште две лица на возраст меѓу 20 и 25 години.

По откривањето на бомбите во петокот околу 18 часот, полицијата опколи голем дел од областа Вастра Хамнен и ги предупреди жителите да не излегуваат на своите балкони.

Шведската полиција пронашла повеќе од 10 рачни гранати во ранецот на неименуван 15-годишник во Малме, кој бил уапсен заедно со уште две возрасни лица, објави денеска Афтонбладет.

Националниот одред за бомби ги демонтирал рачните бомби, а околу 22 ч. полицијата соопшти дека веќе нема никаква опасност за јавноста.