На средбата се разговараше за економската состојба и спроведувањето на реформите, мерките што треба да се преземат за одржување на економската и финансиската стабилност во услови на флуктуации на глобалната економија, како и за соработката со меѓународните финансиски институции, соопштија од кабинетот на претседателката Силјановска-Давкова.
Имајќи предвид дека флуктуациите имаат значително влијание врз економиите, особено врз помалите земји, претседателот му се заблагодари на ММФ за досегашната финансиска поддршка во ублажувањето на глобалните шокови. Во таа насока, претставниците на ММФ ги споделија своите предвидувања и ставови за досега спроведените мерки и политики.
Соговорниците разменија мислења и за измените на Законот за Народната банка, во делот за начинот на распределба на добивката. Претседателот рече дека структурните реформи јасно ја утврдуваат потребата од дебата и поголема вклученост на експертите во креирањето добри и одржливи решенија.
Во контекст на потребата од приоритет на трошењето, со цел намалување на проинфлаторните ефекти, на средбата беше истакната важноста од инвестирање во инфраструктурата и дигитализацијата, како и во образованието, здравството и борбата против корупцијата. За соговорниците, реформската агенда на Северна Македонија отвора можности за развој на земјата. Претседателот истакна дека билатерализацијата на евроинтеграциите на Македонија ги забавува реформите и дека е неопходна делатерализација на процесот на проширување.
Таа го потврди ставот дека најдобри инвестиции се оние во образованието, науката, инфраструктурата и културата. Ова, според неа, ќе го намали заминувањето на квалитетни кадри и ќе ги поттикне младите да го искористат својот потенцијал во земјава. Претседателот ја препознава дијаспората како важен фактор во локалната економија, се вели во соопштението од кабинетот на Силјановска-Давкова.
