Во дуелот со Македонија, Лихтенштајн ќе влезе во добра форма, челниците на федерацијата се задоволни од селекторот Конрад Фунштук, па му дадоа нов договор.
„Имаме апсолутна доверба во Конрад и презадоволни сме што ја продолжуваме соработката. Ќе продолжиме по патот што заедно го избравме“, рече претседателот на фудбалската федерација, Хуго Квадерер.
Предводникот на Лихтенштајн, човекот кој е заслужен за добрата форма на оваа репрезентација, Конард Фунштук стави потпис на нов договор.
<span>Можеби ќе ве интересира</span>
Тој на чело на селекцијата на Лихтенштајн дојде во 2023 година, а денеска стави потпис на договор според кој ќе остане на кормилото до 2028 година.
На последните десет натпревари, Лихтенштајн има само пет порази, што за селекција како нив е голем успех. Одиграа нерешено со Летонија, Романија, двапати со Гибралтар, а го победија Хонг Конг.
