Баерн Минхен ја доби победата која ја бараше во Шкотска против локалниот Селтик, иако не беше со голема разлика како што сите очекуваа.
Баварците победија со 2-1 против Шкотите, со што ја завршија првата половина од „задачата“ за пласман во следната рунда од Лигата на шампионите бидејќи следната недела се очекува да запечатат се во Минхен.
Головите на Олисех и Хари Кејн го поставија Баерн на вистинскиот пат во овој квалификациски натпревар, додека голот на Маеда не беше доволен за домашните да побараат нешто повеќе, а квалификациите навидум им се насмевнуваат на Германците.
Во другите натпревари Милан претрпе пораз од Феенорд во Ротердам со 1-0. Стрелец на единствениот гол на овој натпревар беше Паиксао. Од друга страна, Бенфика со 0-1 го совлада Монако во Кнежеството, благодарение на голот на Павлидис.
Реваншите се играат следната недела.
