Србија чека одговор од американскиот Стејт департмент и од Канцеларијата за контрола на странски средства (OFAC) за продолжување на лиценцата на NIS, додека рафинеријата останува во фаза на топла циркулација, а државата го зголемува увозот на деривати.
Во меѓувреме, унгарскиот премиер Виктор Орбан нагласи во телефонски разговор со српскиот претседател Александар Вучиќ дека Будимпешта ќе помогне во енергетската стабилност на Србија.
Професорот на Економскиот факултет Љубодраг Савиќ тврди дека официјален Белград сериозно се подготвува за енергетска стабилност, резервирајќи средства за секоја евентуалност и дека во иднина решението лежи во диверзификација на енергетскиот пазар.
Експертот за управување со јавната администрација Михајло Рабреновиќ смета дека најповолното решение е Србија да стане мнозински сопственик и како алтернатива го гледа купувањето на 22 проценти од компанијата, а воедно да го задржи унгарскиот MOL како ко-сопственик.
