Тренерот на Барселона, Ханси Флик, го коментираше триумфот на својот тим над Бетис со 3-5, посебно истакнувајќи го авторот на хет-трик, Феран Торес.
„Првото полувреме беше многу добро, но во второто се изморивме. Што се однесува до одбраната, не успеавме да ја контролираме играта во последните минути. Сепак, сакам да го задржам позитивниот тон во мојата оценка. Најважно е дека победивме. Многу сум задоволен од тимот. Го почитувам начинот на кој се боревме и се вративме во натпреварот откако Бетис поведе на стартот“, изјави Флик.
„На крајот од мечот фудбалерите веќе беа изморени, затоа што се бореа сите 90 минути. Навистина го ценам она што го постигнавме“, додаде германскиот стручњак.
„Ламин Јамал добро играше како офанзивен играч за врска, а се справи одлично и во одбраната. Тоа е опција што ја имаме, но претходно не сме ја практикувале. Феран Торес е многу интелигентен фудбалер, добро го проценува просторот и тоа го правеше прекрасно. Тој заслужува место во стартниот состав. Секогаш се докажува кога ни е потребен. Ова е стадион на Феран, тука постигна хет-трик и со националниот тим“, заклучи тренерот на Барса.
