Ако мислевте дека сапуницата помеѓу Јаја Туре и Пеп Гвардиола заврши кога Јаја си замина од Сити, сте се излажале. Изгледа дека Јаја има меморија на слон (или на навреден роденденко), бидејќи во најновото гостување на подкаст, тој испука рафална стрелба кон својот поранешен тренер.
„Не гледам маж, гледам змија“
Во клипот што се шири како пожар на социјалните мрежи, Јаја Туре, без влакна на јазикот (и очигледно без филтер), го опишува Гвардиола со зборови кои обично се резервирани за бивши девојки/момчиња по лошо раскинување.
„Кога го гледам Пеп, не гледам маж. Гледам змија“, вели Туре.
Но, тоа не е сè. Тој ја вклучува и сопругата во приказната, која наводно му рекла: „Шејтан (ѓавол), тој не е маж, тој е злобен“.
Yaya Touré: “When I look at Pep Guardiola, I don’t see a man. I see a snake.”
byu/DavidRolands insoccer
Интернетот реагира: „Каде е тортата?“
Се разбира, интернет заедницата не пропушти шанса да го потсети Јаја на легендарниот инцидент од 2014 година, кога неговиот агент (или тој, кој веќе знае) се налути бидејќи Манчестер Сити не му дале роденденска торта.
Коментарите на социјалните мрежи се злато:
- „Ова е како јапонски војник што продолжува да се бори 27 години по војната.“
- „Змија се римува со торта (Snake – Cake). Случајност? Не би рекол.“
- „Браќата Туре се рудник за злато. Коло се преправаше дека е продавач на коли за да има афера, а Јаја уште плаче за Пеп.“
Иронијата со Коло Туре
Најсмешниот дел? Додека Јаја го нарекува Пеп „Шејтан“, неговиот брат Коло Туре е дел од стручниот штаб на… погодете кого? Токму на Пеп Гвардиола во Манчестер Сити!.
Ова мора да ги прави семејните ручеци кај семејството Туре исклучително непријатни. „Додај ми ја солта, брат, и поздрави го Шејтанот на работа утре“.
