Манчестер Јунајтед успеа да го преживее шокот на „Молину“ и со убедлива победа од 4-1 над “фенерџијата“ Вулверхемптон се искачи на шесттото место во Премиер лигата. Ова е најголемиот триумф на „Црвените ѓаволи“ сезонава, постигнат во вечер полна со драма, промашувања и гневни протести на домашните навивачи.
15-минутен протест и 540 минути без гол
Натпреварот беше одбележан со необичен протест на домашните навивачи кои ја послушаа поканата да го одложат влегувањето на стадионот за 15 минути, во знак на протест против кинеското раководство на клубот (Фосун). Н
а теренот, Волвс ги шокираа сите и ја прекинаа својата катастрофална серија од 540 минути без постигнат гол, кога Жан-Рикнер Белегард ја затресе мрежата. Тоа беше казна за Јунајтед, кој во првото полувреме пропушти серија колосални шанси, вклучувајќи го и комичниот обид на капитенот Бруно Фернандеш.
Пресврт за 45 минути и поддршка од трибините
Тренерот Рубен Аморим го искористи полувремето за целосно да го консолидира тимот, а Јунајтед експлодираше во вториот дел, токму пред очите на малцинскиот сопственик Сер Џим Ретклиф и светскиот шампион во пикадо и голем фан на Јунајтед, Лук Литлер.
Клучот за пресвртот дојде во 54. минута, кога силниот старт на Лук Шо и одземената топка иницираа контра, која Диого Далот ја заврши со асистенција за лесниот гол на Брајан Мбеумо. Во 68. минута, Мејсон Маунт со брилијантна контрола на топката и силен удар го постигна третиот гол. Овој погодок беше од особено значење, бидејќи беше првпат по март Јунајтед да води со два гола на гостински терен. Победата беше комплетирана во 82. минута, кога Бруно Фернандеш рутински реализираше пенал, откако ВАР интервенција досуди игра со рака против Јерсон Москера.
Протести и неславен клупски рекорд
Додека навивачите на Јунајтед славеа, атмосферата на „Молину“ беше на работ на тотален револт. Навивачите со гласни скандирања протестираа против претседателот Џеф Ши, додека Вулвс го запишаа осмиот последователен пораз во лигата, израмнувајќи го неславниот клупски рекорд од сезоната 1981/82. Со само два освоени бода, Вулвс остануваат заковани на дното на табелата, и се чини дека клубот се соочува со неизбежно испаѓање.
