Реал Мадрид дефинитивно е во резултатска криза, откако тимот на свој терен загуби со 0:2 од Селта Виго. Кралскиот клуб делуваше неопасно кон противничкиот гол, а гостите во второто полувреме ја казнија индолентната игра на фаворитот и на крајот со три бода си заминаа од „Сантијаго Бернабеу“.
Освен што ги загубија трите бода, Реал остана и без тројца играчи кои добија црвени картони. Најпрво, во 65 минута беше исклучен Фран Гарсија. Дефанзивецот на Реал во само две минути направи два фаули за жолт картон, па судијата го исклучи.
За тоа колку непотребен беше вториот прекршок по кој Фран доби црвен картон, доволно покажува реакцијата на тренерот на Реал, Чаби Алонсо, кој буквално се чуди зошто неговиот фудбалер така фаулираше кога знае дека само една минута претходно веќе доби еден жолт картон.
Fran García is honestly one of the worst players I’ve ever seen wear a Madrid shirt pic.twitter.com/iV5s5xY0LN
— Ema 🇫🇷 (@iluvkylian) December 7, 2025
Во финишот на мечот имаше слична ситуација. Алехандро Карерас доби жолт картон во 90+1 минута, а потоа дефанзивецот на Реал доби и втор жолт картон, што автоматски значеше и исклучување. Вториот картон за Карерас бил поради тоа што наводно му рекол на судијата „многу си лош“.
This is not fking normal at all !!! MO FKING TEAM can talk to referee this way and go away with it except them!
Like wtf ?! What with this superiority complex they have? Everyone gets frustrated for some of referees decisions! But no one does this! pic.twitter.com/8OJuJYlp2o
— Ghada (@GhadahPG) December 7, 2025
По бруните реакции на играчите на Реал, црвен картон доби и младиот напаѓач Ендрик кој беше на клупата за резервни играчи, додека со жолт картон на теренот беа опоменати Валверде и Родриго. Ендрик добил црвен картон затоа што „станал од клупата за резерви, го напушти дозволениот простор, се дерел на четвртиот судија и морале тренерите на Реал Мадрид да го смируваат играчот“.
Селта Виго на овој меч во Мадрид заработи само еден жолт картон.
Endrick collect Red card for bench 😭
— Jo El (@Daht_benin_boy) December 7, 2025
Во последните пет кола, Реал Мадрид освои само шест од можните 15 бодови. Кралевите кои во 10 коло славеа над Барселона и имаа пет бодови повеќе од каталонскиот гигант, сега заостануваат четири бодови во однос на најголемиот ривал.
