Десет лица, меѓу кои и три деца, загинаа откако мал приватен авион се урна во магацин во индустриска зона во близина на аеродромот во Толука, Мексико. Несреќата се случила околу 12:30 часот по локално време, кога леталото се обидувало да изврши итно слетување.
Ezoic – wp_under_page_title – under_page_title
End Ezoic – wp_under_page_title – under_page_title
Меѓу жртвите се три деца за кои се верува дека биле од исто семејство – четиригодишното момче Раул, деветгодишната Химена и двегодишната Наталија. Во несреќата животот го загубиле и пет возрасни патници, како и двајцата пилоти.
Авионот, приватен „Цесна Ситишн III“, полетал од туристичкиот град Акапулко само половина час пред трагедијата. Според првичните информации, леталото имало технички проблеми и пилотот се обидел да слета на фудбалско игралиште во близина на детско игралиште, но наместо тоа удрил во металниот покрив на магацин во кој се складирале цилиндри со гориво и гас.
Ezoic – wp_under_first_paragraph – under_first_paragraph
End Ezoic – wp_under_first_paragraph – under_first_paragraph
Ударот предизвикал силен пожар и густи облаци од чад, а драматични снимки од местото на настанот брзо се проширија на социјалните мрежи. На видеата се гледа како авионот паѓа меѓу згради, како и очајните обиди на пожарникарите да го локализираат пожарот. Во моментот на несреќата во магацинот немало луѓе, бидејќи вработените биле на слободен ден.
Локалните власти соопштија дека биле евакуирани два блока околу местото на падот, поради опасност од експлозија на складираните горивни и гасни резервоари. Министерот за јавна безбедност на државата Мексико, Кристобал Кастанеда, изјави дека евакуацијата била превентивна мерка.
Ezoic – wp_under_second_paragraph – under_second_paragraph
End Ezoic – wp_under_second_paragraph – under_second_paragraph
Истрагата за причините за несреќата е во тек. Според неофицијални информации, истражителите се сомневаат дека дефект на моторот е главната причина, а во последната комуникација со контролата на летање пилотот наводно рекол: „Се спуштаме“.
