Синоќа во Турското Големо национално собрание дојде до сериозен инцидент кога расправата за државниот буџет прерасна во физичка пресметка меѓу пратеници од власта и опозицијата. Наместо аргументи и амандмани, салата накратко се претвори во сцена на туркање и размена на удари, откако беа изнесени спротивставени ставови за улогата и наследството на Мустафа Кемал Ататурк.
Ezoic – wp_under_page_title – under_page_title
End Ezoic – wp_under_page_title – under_page_title
Вербалните провокации брзо ескалираа, по што неколкумина пратеници влегоа во директен судир. Тепачката траеше околу десет минути, а обезбедувањето и дел од пратениците се обидуваа да ги раздвојат инволвираните и да воспостават ред во салата.
И покрај хаосот, работата на парламентот продолжи. Откако тензиите се смирија, пратениците се вратија на своите места и пристапија кон гласање. Нацрт-законот за буџетот за 2026 година беше усвоен со 320 гласа „за“ и 249 „против“, а паралелно беше изгласан и финансискиот извештај за 2024 година.
Ezoic – wp_under_first_paragraph – under_first_paragraph
End Ezoic – wp_under_first_paragraph – under_first_paragraph
Турскиот претседател Реџеп Таип Ердоган во својата јавна реакција воопшто не го спомена инцидентот. Тој се фокусираше исклучиво на усвојувањето на буџетот, оценувајќи дека тој ќе биде од корист за државата, граѓаните и економијата.
Причината за судирот, како што наведуваат турските медиуми, биле спротивставените толкувања и политички ставови околу значењето на ликот и делото на Мустафа Кемал Ататурк, тема која и понатаму предизвикува длабоки поделби на турската политичка сцена.
Ezoic – wp_under_second_paragraph – under_second_paragraph
End Ezoic – wp_under_second_paragraph – under_second_paragraph
