Министерството за финансии соопшти дека од Буџетот се извршени две нови исплати кон Развојната банка, во вредност од 305 и 568 милиони денари, односно вкупно 873 милиони денари, што изнесува околу 14,2 милиони евра.
Ezoic – wp_under_page_title – under_page_title
End Ezoic – wp_under_page_title – under_page_title
Со овие трансакции, вкупната државна поддршка за домашната економија достигна 217,5 милиони евра, од вкупно планираните 250 милиони евра.
Средствата се обезбедени преку кредитна линија од унгарската Експорт-импорт банка, а целта е да се стимулира растот на домашните компании преку поволни услови за инвестирање и развој. Финансирањето се одобрува преку деловните банки, со каматна стапка од 1,95% годишно, рок на отплата до 15 години и грејс период до 3 години.
Ezoic – wp_under_first_paragraph – under_first_paragraph
End Ezoic – wp_under_first_paragraph – under_first_paragraph
Министерството за финансии истакнува дека вкупниот буџет за поддршка на домашните компании изнесува 250 милиони евра, додека проценетата вредност на инвестицискиот циклус изнесува околу 300 милиони евра.
