Американскиот претседател Доналд Трамп изјави во неделата, на почетокот од состанокот со украинскиот претседател Володимир Зеленски во Флорида, дека верува оти разговорите за завршување на војната на Русија во Украина се во „последна фаза“.
Коментарите на Трамп следеа по претходниот телефонски разговор со рускиот претседател Владимир Путин, за кој Трамп рече дека е „многу сериозен“ во врска со завршувањето на војната.
„Исто така, ќе му се јавам на претседателот Путин по состанокот (со Зеленски) и ќе продолжиме со преговорите“, рече Трамп.
Трамп претходно рече дека имал „многу продуктивен“ телефонски разговор со Путин. „Тукушто имав добар и многу продуктивен телефонски разговор со рускиот претседател (Владимир) Путин“, напиша Трамп на својата платформа Truth Social, без да открие детали од разговорот.
Кремљ во неделата по телефонскиот повик објави дека Путин и Трамп не го поддржуваат европско-украинскиот залагање за привремен прекин на огнот пред мировниот договор и дека Москва верува дека Киев треба да донесе „смела одлука“ за прашањето на Донбас.
Советникот за надворешна политика на Кремљ, Јуриј Ушаков, рече дека телефонскиот разговор меѓу Путин и Трамп траел еден час и 15 минути и дека се случил на барање на американскиот претседател пред средбата на Трамп со Зеленски.
„Најважно е што претседателите на Русија и САД имаат слични ставови дека опцијата за привремено прекин на огнот предложена од Украина и Европејците под изговор за подготовка за референдум или под други изговори само го продолжува конфликтот и носи ризик од обновено непријателство“, рече Ушаков.
Разговорот „Се карактеризираше со заеднички интерес за напредок кон мировно долгорочно решавање на украинскиот конфликт“, опиша советникот на Путин.
Ушаков прецизираше дека Путин му ја објаснил на Трамп „фундаменталната важност“ да се продолжи преговорите да се засноваат на договор постигна на американско-рускиот самит летово во Анкориџ на Алјаска, како и во текот на меѓусебните контакти.
Трамп, како што извести за новинарите Ушаков, рекол дека е убеден во посветеноста на Русија во политичкото и дипломатското завршување на војната и дека „имајќи го предвид тоа, има намера да ги структуира денешните преговори со Зеленски“.
Ушаков, исто така, ги информираше новинарите дека Путин се согласил со предлогот на Трамп да продолжи ангажирањрто за решавањето прашањеата во рамките на двете специјално формирани работи групи: едната за безбедност и другата за економските прашања.
Зеленски, кој пристигна во Флорида порано во неделата, рече дека ќе се залага за ревидиран мировен план во своите разговори со Трамп. Тој ги повика сојузниците на Украина да го зголемат притисокот врз Москва. „Ова се едни од најактивните дипломатски денови во годината во моментов и многу може да се одлучи пред Нова Година“, напиша Зеленски на социјалните мрежи по слетувањето.
„Правиме сè во оваа насока, но дали ќе се донесат одлуки зависи од нашите партнери – оние кои ѝ помагаат на Украина и оние кои вршат притисок врз Русија за Русите да ги почувствуваат последиците од сопствената агресија.“
Украинскиот лидер бара поддршка од Трамп за рамката од 20 точки откако администрацијата на Трамп презентираше предлог од 28 точки кон крајот на ноември, кој ги вознемири Киев и неговите сојузници со повторување на неколку руски позиции.
Зеленски и европските партнери оттогаш работеа на алтернативен план, вклучително и за време на неодамнешните состаноци во Берлин и Мајами со високи претставници на администрацијата на Трамп, додека Вашингтон, исто така, одржа одделни разговори со Москва.
Зеленски рече дека планира да го искористи состанокот за да ги дефинира „црвените линии“ на Украина во какви било преговори, нагласувајќи дека западните безбедносни гаранции ќе бидат клучни во случај на прекин на огнот за да се спречат обновени руски напади.
Други точки на спор вклучуваат судбината на спорниот регион Донбас во источна Украина и контролата врз нуклеарната централа Запорожје, која Русија ја окупира уште од раните денови на војната.
Русија не е вклучена во разговорите во Флорида, а реакциите на Кремљ на разговорите се пригушени. И покрај тоа што ја прогласи својата подготвеност за разговори, Путин досега ги одржуваше максималистичките барања, вклучително и претензии кон Донбас – кој се состои од регионите Донецк и Луганск, кои Москва не ги контролира целосно.
