Градоначалникот на Битола, Тони Коњановски вечерва е на терен каде се интервенира по обилните врнежи од дожд кои на неколку локации предизвикаа проблеми, соопшти Битола.
Поплавувања и излевања имаше и во градското централно подрачје и на други локации во Битола.
Врнежите беа особено обилни попладнево, што излеа големо количество вода што ниту земјата, ниту каналите може да ја „приберат“ и состојбите се лоши на повеќе места во Битолско. Лошо е во селото Кравари – дел од објектите во селото се поплавени.
„По обилните врнежи од дожд кои деновиве, а особено попладневно го зафатија и битолскиот регион дојде до поплавуавње на дел од селото Кравари од каналската мрежа. На лице место сум со директорот на јавното претпријатие „Водовод“ Битола, Андреј Гинов, и ја следиме состојбата.
Битолски „Водовод“ во Кравари интервенира со механизација, а станува збор за проблем со каналската мрежа која не може да ја прими големата количина на вода. Заради ова екипите на „Водовод“ работат на лоцирање на најкритичните точки, со цел што поскоро санирање на состојбата.
Се сретнав и разговарав со жители од ова населено место и заеднички се обидуваме што поскоро да ја ставиме состојвата под контрола“, рече битолскиот градоначалник.
Во интервенцијата се приклучија и екипи со механизацијата од водостопанското претпријатие „Битолско Поле“.
„Остануваме на терен до санирање на состојбата“ вели Коњановски.
#tdi_1 .td-doubleSlider-2 .td-item1 {
background: url(https://netpress.com.mk/wp-content/uploads/2026/01/dozhd-poplava-kravari-bager-utovaruvach-buldozher-foto-opshtbitol-7jan26.jpg-80×60.jpg) 0 0 no-repeat;
}
#tdi_1 .td-doubleSlider-2 .td-item2 {
background: url(https://netpress.com.mk/wp-content/uploads/2026/01/dozhd-poplava-kravari-bager-kanal-foto-opshtbitol-7jan26.jpg-80×60.jpg) 0 0 no-repeat;
}
#tdi_1 .td-doubleSlider-2 .td-item3 {
background: url(https://netpress.com.mk/wp-content/uploads/2026/01/dozhd-poplava-kravari-bager-foto-opshtbitol-7jan26.jpg-80×60.jpg) 0 0 no-repeat;
}
#tdi_1 .td-doubleSlider-2 .td-item4 {
background: url(https://netpress.com.mk/wp-content/uploads/2026/01/dozhd-poplava-kravari-bager-gradonachalnik-toni-konjanovski-foto-opshtbitol-7jan26-80×60.jpg) 0 0 no-repeat;
}
