„Вардар е Стикс“ е новата песна на „Мизар“ која излезе на дигиталните платформи. Музиката е на Горазд Чаповски, аранжманот го работеа Чаповски и Нико Ѓорѓиевски кој го напиша и текстот, и е продуцент на песната.
Култниот бенд за песната сними и спот, во режија на Александар Ристовски-Принц.
Членови на бендот се Гораст Чаповски, Илија Стојановски, Пеце Китановски, Нико Ѓоргиевски, Александар Ристовски-Принц, Драган Теодосиев и Оливер Петровски.
Во 2022 година излезе монографијата „Мизар – Откровенија 1981-2021“ од музичкиот новинар и хроничар Тошо Филиповски. Објавена како прва монографија за еден македонски рок бенд, книгата дава детален приказ на историјата на една од најголемите и најзначајните македонски групи, вклучувајќи концерти, плакати и интервјуа. На 333 страници се содржани 200 фотографии, од кои половина се досега необјавени.
The post „ВАРДАР Е СТИКС“, НОВА ПЕСНА НА „МИЗАР“ се појави прв на СМАРТ – СДК МК.
