Поранешниот кандидат за челник на конзервативците, Роберт Едвард Џенрик, пребегна во десничарската партија „Реформ Јукејк“ (Reform UK) на Најџел Фараж во четвртокот, неколку часа откако беше исклучен од партијата кога беа откриени неговите планови за заминување.
Џенрик им се придружи на десетина истакнати конзервативци кои се приклучија на „Реформ Јукејк“, која води во анкетите пред владејачката Лабуристичка партија на премиерот Кир Стармер и конзервативците на Кеми Баденок.
„Двете главни партии се гнили и повеќе ја немаат својат цел. И двете ја уништија Британија и ниту едната не може да ја поправи“, рече Џенрик на прес-конференција заедно со Фараж.
Поранешниот конзервативец е вториот пратеник што пребегна во партијата на Фараж, давајќи ѝ шест од 650 места во британскиот парламент.
Баденок рече дека има „јасни, неоспорни докази“ дека Џенрик „тајно планирал да пребегне на начин што бил замислен да биде што е можно поштетен“.
Џенрик загуби од Баденок на изборите во 2024 година за лидер на сега главната опозициска партија по нејзиниот пораз на националните избори.
