Фудбалерот на ПСЖ, Хвича Кварацхелија, не беше прогласен за најдобар спортист во својата Грузија за 2025 година, и покрај тоа што ја освои Лигата на шампионите.
Грузискиот национален олимписки комитет објави дека мечувалецот Сандро Базаѕе и џудистот Етер Липартелијани се прогласени за најдобри спортисти во земјата за 2025 година. Базаѕе освои златен медал на СП, а Липартелијани стана првиот џудист што ѝ донесе злато на Грузија на Светско првенство.
Торнике Шенгелија, кој е капитен на грузиската кошаркарска репрезентација, беше прогласен за најдобар спортист на Грузија во тимски спортови.Многумина беа изненадени од овој избор.
Кварацхелија ја освои Лигата на шампионите во 2025 година, како и француското првенство, италијанското првенство, Европскиот суперкуп, францускиот куп и Интерконтиненталниот куп. Тој, исто така, постигна гол во финалето на ЛШ. Тој се најде на 12-тото место во гласањето за „Златната топка“.
Што се однесува до Шенгелија, со него грузиската кошаркарска репрезентација за прв пат во историјата стигна до четвртфиналето на Европското првенство, победувајќи ги гигантите како Шпанија и Франција.
