На 17 април, четврток, со почеток во 20 часот, Младинскиот културен центар (МКЦ) во Скопје ќе биде местото каде што музиката и хуманоста ќе се спојат во едно. Тамара Тодевска, една од најистакнатите македонски уметници, ќе одржи хуманитарен концерт со единствена цел – да се соберат средства за помош на семејствата на жртвите и повредените во трагедијата што го потресе Кочани.Да покажеме дека сме народ со големо срце. Да пееме, да споделиме и да дадеме надеж. Сите средства собрани од концертот ќе бидат наменети за семејствата кои изгубија најблиски и за оние што се сè уште борат со последиците од оваа трагедија.
Оваа вечер ќе биде исполнета со емоции, љубов и солидарност. Тамара ќе ги исполни најубавите македонски песни, создавајќи атмосфера која ќе ги обедини срцата на сите присутни. Со секој купен билет, со секоја песна што ќе ја отпееме заедно, ќе направиме чекор кон помагање на оние на кои им е најпотребно.Повеќе информации за билетите и начинот на нивна набавка ќе бидат објавени наскоро.
