Тренерот на Манчестер Сити, Пеп Гвардиола очекува Кевин Де Брајне да добие статуа пред „Етихад“ исто како што претходно добија и Серхио Агуеро, Винсент Компани и Давид Силва.
„Не знам какви се плановите, но би се обложил на многу пари дека тоа ќе се случи, убеден сум дека ќе добие статуа“ – вели тренерот на Манчестер Сити.
Претходно статуа добија и Серхио Агуеро, Винсент Компани и Давид Силва, фудбалери кои имаа голем придонес за успесите кои ги забележаа „граѓаните“.
Кевин Де Брајне може да се пофали со шест шампионски трофеи во Премиерлигата, два во ФА Купот, пет во Лига Купот и еден во Лигата на шампиони, па Пеп Гвардиола очекува Манчестер Сити да му изгради статуа на фудбалерот од средниот ред.
Кевин Де Брајне по оваа сезона ќе стави крај на авантурата во Манчестер Сити долга 10 години.
Фудбалерот од Белгија пристигна на Етихад во 2015 во зделка вредна околу 55 милиони фунти и со извонредни партии се промовираше во еден од најдобрите фудбалери на „граѓаните“ и еден од најдобрите во историјата на Премиерлигата.
