По обилните врнежи од дожд кои вечерва предизвикаа поплавување на улици низ градот, битолската „Нискоградба“ и другите јавни претпријатија започнаа акција за санирање на состојбата, соопшти Општина Битола.
Најкритична е состојбата кај стариот „Прогрес“ кај каналот од реката „Курделес“ кој се излеа, поради што отежнат е сообраќајот на улицата „Македонска фаланга“ (старата „Иво Лола Рибар“) до Железничката станица.
Интервенции има и на улицата „Солунска“ во населбата „Боримечка“, на Лавчански пат и населбата „Стрчин“.
Екипиите продолжуваат со работа за санирање на состојбата, а остануваат на терен со оглед на најавите за продолжување на врнежите.
Мобилизирани се екипи од „Битолско поле“, „Водовод“, „Стрежево“ и ќе се интервенира во Кравари, во Канино, Лера, Горно Српци, на река Црна, потесното и поширокото градско подрачје на општината.
Центарот за управување со кризи (ЦУК) во извештајот од 21 часот вечерва соопшти за поплава кај мостот во селото Лера и можно е поплавата да се прошири кон селото.
Во селото Породин има поплава на живинарска фарма.
#tdi_2 .td-doubleSlider-2 .td-item1 {
background: url(https://netpress.com.mk/wp-content/uploads/2026/01/bitola-bager-poplaveni-ulici-kal-foto-opshtbitola-7jan26-80×60.jpg) 0 0 no-repeat;
}
#tdi_2 .td-doubleSlider-2 .td-item2 {
background: url(https://netpress.com.mk/wp-content/uploads/2026/01/bitola-bager-poplaveni-ulici-foto-opshtbitola-7jan26-80×60.jpg) 0 0 no-repeat;
}
#tdi_2 .td-doubleSlider-2 .td-item3 {
background: url(https://netpress.com.mk/wp-content/uploads/2026/01/bitola-izlevanje-reka-kurdeles-foto-opshtbitola-7jan26-80×60.jpg) 0 0 no-repeat;
}
