Кошаркарите на белградски Партизан вечерва го пречекаа Баерн од Минхен во 14-то коло од Евролигата, а домашниот тим славеше со резултат од 92:85 (16:22, 20:21, 28:15, 28:27). Од почетокот на дуелот, сѐ беше во знакот на навивачите на домашниот тим, популарните „гробари“, кои повторно му искажуваа поддршка на тренерот Жељко Обрадовиќ, кој поднесе оставка минатата седмица.
Свирежите упатени кон партизановите играчи, како и навредите кон клупското раководство, исто така беа некарактеристични за атмосферата во која на својот паркет игра Партизан. Тоа се одрази на домашните играчи кои не можеа да погодат во првите минути од дуелот па дури и од линијата за слободни фрлања, а гостите тоа го искористија за брзо да поведат и во текот на првиот делница преку Андрес Обст, Јоханес Фојтман и Ксавиер Ратен-Мејс да се здобијат со поопиплива предност. „Баварците“ постигнаа четири последователни тројки и поведоа со 14:5.
Сепак, со влегувањето во игра на Тајрик Џонс и Двејн Вашингтон, Партизан успеа да се врати во мечот, па и да поведе но гостите го запреа налетот на гостите и по првите 10 минути игра имаа водство од 22:16.
На почетокот од втората четвртина се повреди дотогаш солидниот Алексеј Покушевски и мораше да го напушти теренот со помош на соиграчите. Баерн потоа успеа да се врати во водство со серија од 13:2, иако Партизан успеа да направи пресврт и да поведе со 34:30 четири минути пред полувремето со поените на Стерлинг Браун. Сепак, по 20 минути игра беше 36:43 за гостите.
Во третата делница Партизан заигра поинаку, поангажирано, неговите играчи почнаа да поентираат и од дистанца. Тајрик Џонс забиваше при секоја шанса, а две важни тројки беа погодени од Двејн Вашингтон на крајот од периодот и по 30 минути игра, предноста за „црно-белите“ беше 64:58.
Партизан одлично ја отвори четвртата четвртина. Со забивањата на Тајрик Џонс, Бруно Фернандо и тројката на Каластес, ја одржа домашната предност стекната во третиот период. Во еден момент, „црно-белите“ имаа дури 14 поени предност, но како и во сите претходни мечеви досега Партизан успеа да ја загуби сигурната предноста и да приреди неизвесна завршница откако во последните три минути од мечот влезе со само три поена предност. Сепак, играчите на Баерн во тие моменти направија неколку грешки кои домашните ги казнија за важна победа во остатокот од натпреварувањето.
Истовремено Реал Мадрид го победи Анадолу Ефес во Истанбул со 81:75, а најдобар играч на шпанскиот тим беше хрватскиот кошаркар Марио Хезоња. Тоа беше неизвесен дел кој беше решена во последните минути. Пет минути пред крајот, резултатот беше 69:69. Реал потоа со серија од 5:0 се одлепи на 74:69, но Ефес ја намали негативата на два поена (72:74) на две минути пред крајот. Шпанскиот тим одговори со нова серија од 7:0, решавајќи ги сомнежите околу победникот.
Хезоња го предводеше Реал со 22 поени со четири скока и четири асистенции, Треј Лајлс додаде 11 поени и пет скока, а Чума Океке 10 поени и пет скока. Најефикасни играчи за домаќините беа Роландс Смитс со 21 поен и Ерџан Османи со 18 поени.
По третата последователна победа и осма оваа сезона, Реал е на 10-то место со скор 8-6, додека Ефес е на 15-та позиција со пет победи и девет порази.
Водечкиот Хапоел Тел Авив го победи Асвел со 87:80 за да ја забележи својата 10-та победа, додека францускиот клуб го претрпе својот 11-ти пораз. Дан Отру со 18, и Џонатан Мотли и Антонио Блејкени со по 16 поени го предводеа победничкиот тим, додека Нандо Де Коло постигна 20 поени за Асвел.
Славеше и вториот израелски клуб, Макаби Тел Авив, кој изненадувачки го победи Жалгирис со 83:65 на гостински терен. Лони Вокер го предводеше Макаби до четвртата победа со 23 поени, додека Силвен Франциско беше најефикасен на другата страна со 13 поени.
Во француската пресметка, Монако го победи Париз со 125:104. Ели Окобо беше најефикасен за Монако со 26 поени и осум асистенции, додека Метју Стразел додаде 22 поени и седум асистенции. Џастин Робинсон се истакна за Парижаните со 24 коша. Монако има скор од 9-5, а Париз е 5-9.
Натпреварот помеѓу Олимпијакос и Фенербахче беше одложен поради бурата во Атина.
РЕЗУЛТАТИ – 14. коло:
Во четврток
Анадолу Ефес – Реал Мадрид 75:81
Жалгирис – Макаби Тел Авив 65:83
Монако – Париз 125:104
Хапоел Тел Авив – Асвел 87:80
Партизан – Баерн Минхен 92:85
Олимпијакос – Фенербахче одложено
Во петок:
Црвена ѕвезда – Барселона
Панатинаикос – Валенсија
Басконија – Армани Милано
Виртус Болоња – Дубаи
The post Евролига: Партизан победи во првиот меч без Обрадовиќ на клупата, Реал го совлада Ефес appeared first on NetPress.
