Манчестер Сити денеска за прв пат го виде Омар Мармуш како блеска во дресот на тимот, постигнувајќи 3 гола против Њукасл во победата од 4-0.
Но, од друга страна, „граѓаните“ се во неволја, откако нивната офанзивна ѕвезда, Ерлинг Халанд, со повреда на коленото го напушти теренот за игра.
Натпреварот против Њукасл беше при крај кога норвешкиот напаѓач беше виден на земја како го стега коленото, што изгледаше како нешто сериозно дури и во неговата вознемирена комуникација со лекарите, бидејќи чувствуваше болка.
Тој самиот си замина од теренот како замена, седејќи потресено на клупата, но со тоа го вклучи вистинскиот аларм за Манчестер Сити, кој во наредните денови се соочува со противници кои ќе ја одредат судбината на сезоната.
Првиот и можеби најважен предизвик е против Реал Мадрид во среда во Лигата на шампионите каде треба да го анулира поразот од 3-2.
