Скопје, 23 февруари – Денеска се игра 20-та недела од натпреварите во домашната фудбалска елита. Екипата на ФК Скопје е во одличен момент, со три последователни победи, а за тоа говори и атмосферата во тимот. Во пресрет на следниот натпревар против Брера Струмица, тренерот Алпарслан Ердем изрази голема доверба во тимот, истакнувајќи ја важноста од одржување на победнички ритам.
„Нашата енергија е многу добра, се работи како што треба. Немаме повредени играчи и сите се подготвени за натпреварот. Нашата цел е јасна, да ги освоиме трите бода и да ги израдуваме нашите навивачи“, изјави Ердем.
Турскиот селектор го пофали влијанието на подготовките во Анталија, нагласувајќи дека тимот оди чекор по чекор и на секој натпревар гледа со максимална сериозност. Натпреварот помеѓу Брера Струмица и ФК Скопје ќе се одигра в недела во Струмица, каде Скопје ќе настојува да го продолжи позитивното претставување и да го одржи високо моралот на тимот во трката за сезонски цели.
Победата на стартот од пролетната полусезона против Вардар дополнително ја зголеми мотивацијата на Шкендија, која сега е фокусирана на следниот предизвик со Силекс. „Црвените“ се лидери во шампионатот и имаат за цел да го задржат водството против директниот ривал како Силекси, кој во Тетово доаѓа со само два бода помалку.
Играчот од средниот ред Ибрахим Алхасан потенцира дека тимот е во одлична кондиција и е мотивиран да го даде најдоброто од себе. „Атмосферата во тимот е фантастична, сите сме фокусирани и посветени на остварување на нашите цели. Свесни сме дека секој натпревар е како финале и мора да се бориме да останеме на врвот на табелата.
Беса е Добрдолл сака да го остави зад себе првиот пораз оваа полусезона и да се врати на позитивни резултати на следниот предизвик против Гостивар. Капитенот на тимот, Имран Фетаи, смета дека тимот е мотивиран да ја подобри својата игра и да се бори за максимални бодови.
„Точно е, резултатите не беа онакви какви што очекувавме, но атмосферата во тимот останува силна. Сите се фокусирани на подобрување и убедени дека можеме да ја промениме ситуацијата. Дербито е секогаш одлична можност да се вратиме на позитивни резултати. Ваквите натпревари носат посебен дух и можат да бидат пресвртница за тимот“, потенцира Фетаи.
Во останатите средби, екипата на Воска спорт ќе му гостува на Работнички, а Тиквеш е домаќин на Пелистер. Сите натпревари ќе започнат во 14:00 часот.
