Северна Македонија „воздржана“ од гласање за резолуцијата за Украина во ОН

Генералното собрание на Обединетите нации денеска усвои резолуција подготвена од Украина и спонзорирана од 27-те членки на Европската унија, со која се осудува воената агресија на Русија врз нејзината соседна земја, изразувајќи поддршка за територијалниот интегритет на Украина и барајќи итно повлекување на руските трупи.

Резолуцијата доби 93 гласа за, 65 воздржани и 18 против. За резолуцијата гласаа сите европски земји, па дури и Србија, со исклучок на Македонија која беше „воздржана“ и Белорусија која гласаше против.

Северна Македонија беше коспонзор на друга ривалска резолуција поднесена од Соединетите држави, која не доби поддршка од Генералното собрание на ОН во нејзината оригинална форма.

Во првобитната верзија, резолуцијата не ја идентификува Русија како агресор или извор на конфликтот. Откако беше додаден текст во кој недвосмислено се наведува дека Русија извршила воена агресија со кршење на Повелбата на ОН, резолуцијата беше изгласана.