Кошаркарите на Денвер нагетс го совладаа Хјустон рокетс по продолжение со 128-125, во феноменален натпревар на кој блескаа Никола Јокиќ и Алперен Шенгун.
Никола Јокиќ постигна 39 поени, со 15 скокови и 10 асистенции за својот 12-ти трипл-дабл во сезоната.
Џамал Мареј додаде 35 поени за Денвер, вклучувајќи шест од 11-те поени на својот тим во продолжението. Мареј погоди 14 од 15 слободни фрлања.
Оваа победа беше петта по ред за Нагетс и прва домашна победа од 8 ноември.
Шенгун ги предводеше Рокетс со 33 поени, 10 асистенции и 10 скокови, што беше негов прв трипл-дабл во сезоната. Кевин Дурант додаде 25 поени, седум асистенции, пет скокови и пет блокади за Хјустон, кој го загуби третиот последовен гостински натпревар.
Јута Џез го победи Далас маверикс со 140-133, исто така по продолжение.
Кејонте Џорџ постигна 37 поени, а Лаури Марканен 33, и ја предводеа Јута против Далас, кој беше поразен и покрај 42-те поени на Купер Флег, што е негов рекорд во кариерата.
Кошаркарите на Бостон селтикс беа поразени на домашен терен од Детроит пистонс со 105-112.
Кејд Канингем постигна 32 поени и имаше 10 скокови, додека Карис Леверт и Тобајас Харис додадоа по 13 поени за Пистонс.
Џејлен Браун постигна 34 поени, со осум скокови и седум асистенции и ги предводеше Селтикс. Дерик Вајт постигна 31 поен, а Бостон го претрпе вториот пораз по ред по серијата од пет победи.
Резултати: Бостон – Детроит 105-112, Мајами – Торонто 96-106 Јута – Далас 140-133 (по продолжение), Денвер – Хјустон 128-125 (по продолжение), ЛА клиперс – Мемфис 103-121.
