Официјалните ветеринари на Агенцијата за храна и ветеринарство (АУВ), по вонреден увид во текот на вчерашниот ден, наредиле безопасно отстранување на 1980 килограми небезбедно замрзнато пилешко месо со потекло од Полска, кое било пренесено во возило кое МВР го запленило од непознат сторител.
Месото било пакувано во 180 пакувања од по 11 килограми и во моментот на проверка било во фаза на одмрзнување.
„Во запленетото возило небезбедното месо е транспортирано во несоодветни услови, односно без потребниот температурен режим за замрзнато месо (минус 18 степени Целзиусови) и без никаков документ за потекло – ветеринарно здравствено уверение, комерцијален документ и други документи потребни за гаранција за безбедноста на производот“, велат од Министерството за внатрешни работи.
