Македонската публика конечно ќе има привилегија да биде дел од едно од најинтимните и најмоќните музички искуства на денешницата – легендарниот Nick Cave, во придружба на басистот на Radiohead, Colin Greenwood, доаѓаат во Скопје во рамките на својата “Nick Cave Solo” турнеја. Овој ексклузивен концерт ќе се одржи на 22 август 2025 година на Стадионот на АРМ, под отворено небо, со почеток во 20:00 часот.Влезниците за овој уникатен концерт се веќе пуштени во продажба од 2 април онлајн на avalonbooking.mk и преку продажната мрежа на karti.com.mk ширум Македонија. Деталите за категориите на влезници и нивните цени ќе бидат објавени наскоро на официјалните платформи на Авалон.Македонија, подгответе се за една вечер што ќе остане запаметена во концертната историја – Nick Cave пристигнува за да ни ја подари својата музичка магија!Како што најавуваат од Авалон Продукција, ова ќе биде еден од најочекуваните концерти во Македонија во последните години, носејќи со себе уникатна можност за македонската публика да го доживее Cave во неговата најсуштинска, најинтимна и најемотивна форма. Ова не е само концерт – ова е музичка исповед, патување низ најдлабоките емоции, искуство што остава траен белег.Nick Cave, еден од најзначајните уметници на современата музичка сцена, е познат по својата неверојатна моќ да создаде магија на сцената, а неговата соработка со Colin Greenwood, член на еден од најиновативните бендови на сите времиња – Radiohead, само го засилува тој ефект. Магазинот Beat веќе ги нарече овие настапи „нешто многу повеќе од обичен концерт“, а посетителите на неговите досегашни соло настапи сведочат за искуство кое длабоко допира и остава неизбришлива трага.
