Акциите на „Siemens“ паднаа за 5,3% во претпазарното тргување во Франкфурт, откако вестите за американските царини ги притиснаа пазарите. Падот го намали растот на акциите во изминатата година на 16%.
Германската компанија го објави договорот за фирмата за развој на софтвер поддржана од „Insight Partners“ во соопштение, потврдувајќи го претходниот извештај на „Bloomberg News“. Аквизицијата се очекува да биде финализирана во првата половина на фискалната 2026-та година, објави „Siemens“.
Германскиот производител излегува од некои бизниси и се фокусира на софтвер за да ја подобри својата профитабилност. Во март го заврши купувањето на развивачот на софтвер за индустриски симулации „Altair Engineering“ за 10 милијарди долари, со цел да се зголеми уделот во дигиталните приходи на „Siemens“.
„Dotmatics“ е основана во 2005-та година од научниците од „Merck & Co. Stephen Gallagher“ и „Alastair Hill“. Над 2 милиони научници во 125 земји го користат неговиот софтвер, кој помага во дигитализирање на лабораториските податоци и нивна анализа, се наведува на веб-страницата на компанијата.
„Со комбинирање на нашата научна платформа од следната генерација со научни апликации кои се водечки во индустријата, заедно со ‘Digital Twin’ на ‘Siemens’ и неговите способности за вештачка интелигенција, ќе отклучиме нов бран на иновации во животните науки“, коментира извршниот директор на „Dotmatics“, Томас Суала.
„Siemens“ ја презема компанијата „Dotmatics“ во зделка за 5,1 милијарда долари, што има за цел да му помогне на гигантот да понуди повеќе софтверски решенија за вештачка интелигенција (AI) на компаниите од природни науки.
