Нето добивката достигна 51,3 милијарди јуани во споредба со прогнозата од 46,3 милијарди јуани.
Претседателот на Tencent, „Мартин Лау“, им рече на новинарите по објавувањето на извештајот дека капиталните трошоци ќе се зголемат на 13-14% од приходите, а вештачката интелигенција ќе биде главен фокус на стратешките инвестиции.
Растот на приходите беше поттикнат првенствено од солидните перформанси во сегментот на игри, бидејќи компанијата имаше корист од регулаторното олеснување во секторот за игри во Кина по строгите ограничувања во претходните години.
Скокот во трошоците се совпаѓа со слични големи инвестиции во вештачка интелигенција од други технолошки лидери во Кина. Во февруари „Alibaba“ објави дека ќе издвои најмалку 380 милијарди јуани за облак компјутери и инфраструктура за вештачка интелигенција во следните три години.
„Tencent“ ги надмина очекувањата на аналитичарите, известувајќи за приход од 172,4 милијарди јуани (23,83 милијарди долари) за четвртиот квартал, што е за 11% повеќе од претходната година. Аналитичарите очекуваа 168,9 милијарди јуани, покажуваат податоците на „LSEG“.
Приходите на „Tencent“ од игри на домашниот пазар скокнаа за 23% на 33,2 милијарди јуани во кварталот, а приходите од меѓународните игри пораснаа за 15 отсто на 16 милијарди јуани.
Кинескиот технолошки гигант „Tencent“ соопшти дека ќе ги зголеми своите капитални трошоци во 2025-та година бидејќи инвестира во вештачка интелигенција (AI) и инфраструктура.
„Tencent“ ги забрза своите иницијативи за вештачка интелигенција во последниве месеци, станувајќи првата голема кинеска технолошка компанија која ја интегрираше технологијата на „DeepSeek“. Интеграцијата е направена низ основните производи на „Tencent“, вклучувајќи го „WeChat“ – водечката платформа за разговор и плаќање на компанијата, со над 1 милијарда активни корисници и „Yuanbao“ – помошник за вештачка интелигенција на „Tencent“.
Капитални расходи за 2024-та година скокнаа на 10,7 милијарди долари во однос на 3,4 милијарди долари една година порано, достигнувајќи 12% од вкупниот приход, откри Лау. Во четвртиот квартал компанијата потрошила 30 милијарди јуани (5,4 милијарди долари) за иницијативи поврзани со вештачката интелигенција.
Во меѓувреме, матичната компанија на „TikTok“, „ByteDance“, издвои над 150 милијарди јуани за капитални трошоци во 2025-та година. Поголемиот дел од оваа сума ќе биде насочена кон развојот на вештачката интелигенција и компјутерската моќ.
